Վերին Լարսի անցակետում իրավիճակը քաղաքակա՞ն դրդապատճառներով է․ Սիմոնյանը պատասխանում է
Չեմ բացառում, որ Վերին Լարսի անցակետում իրավիճակը կարող է կապված լինել քաղաքական դրդապատճառի հետ, բայց խնդրում եմ չշտապել և նման ենթադրություններ չանել: Լրագրողների հետ ճեպազրույցում նման հայտարարություն է արել ՀՀ ԱԺ նախագահ Ալեն Սիմոնյանը՝ պատասխանելով հարցին` արդյոք Վերին Լարսում հայկական բեռնատարների անցման հետ կապված խնդիրը քաղաքական պատճառներ ունի։
«Ես նման ակնարկ չեմ տեսնում։ Իմ ունեցած տեղեկություններով` այդ սահմանակետում (նկատի ունի Վերին Լարս) տեղի է ունեցել ծառայություն իրականացնող մարմինների հերթափոխ։ Չեմ բացառում, որ Վերին Լարսի անցակետում իրավիճակը կարող է կապված լինել քաղաքական դրդապատճառի հետ, բայց խնդրում եմ չշտապել և նման ենթադրություններ չանել»,–ասել է Սիմոնյանը։
Հիշեցնենք՝ ավելի վաղ հայտնել էինք, որ Վերին Լարսում իր հերթին են սպասում հազարավոր հայկական բեռնատարներ։ Անցակետը փակ է։
