Ուկրաինա՞, թե Ռուսաստան․ 10 տարվա դատական վեճից հետո ում փոխանցվեց «սկյութական ոսկին»
Արևելյան Ղրիմի պատմամշակութային արգելոց-թանգարանը կտրականապես համաձայն չէ Նիդերլանդների դատարանի՝ «սկյութական ոսկին» Կիև տեղափոխելու որոշման հետ: Այս մասին RBC-ին հայտնել են հաստատության մամուլի ծառայությունից։
Նշենք, որ Ղրիմի թանգարանների հնագույն գանձերի պատմական հավաքածուն, որը հայտնի է որպես «սկյութական ոսկի», վերադարձել է Ուկրաինա՝ Ռուսաստանի հետ շուրջ 10 տարվա դատական վեճից հետո, հայտնում է BBC ռուսական ծառայությունը։
Նիդերլանդներից Կիև է բերվել 565 իր, այդ թվում՝ զարդեր և քանդակներ։
Ուկրաինայի պատմության ազգային թանգարանի տվյալներով՝ հավաքածուն, որը ներառում է բրոնզե թրեր, ոսկե սաղավարտներ և թանկարժեք քարեր, կպահվի Կիևում մինչև «Ղրիմի ապաօկուպացումը»։
Լրատվամիջոցը գրում է, որ այս հավաքածուին հավակնում էին և՛ Ուկրաինան, և՛ Ռուսաստանը, սակայն Նիդեռլանդների դատարանները աջակցել է Կիևին:
