Ադրբեջանի ԱԳՆ են կանչվել ԱՄՆ-ի, Գերմանիայի և Ֆրանսիայի դեսպանները
Ադրբեջանի ԱԳՆ են կանչել ԱՄՆ-ի, Գերմանիայի և Ֆրանսիայի դեսպաններին։ Այս մասին հայտնում են նախարարությունից։ Տեղեկությունը փոխանցում են ադրբեջանական լրատվամիջոցները։
«2023 թվականի նոյեմբերի 28-ին Արտաքին գործերի նախարարություն են կանչվել առանձին-առանձին ԱՄՆ-ի և Գերմանիայի գործերի ժամանակավոր հավատարմատարները, ինչպես նաև Ֆրանսիայի դեսպանը»,- ասված է հայտարարության մեջ:
Նշվում է, որ երկրների դեսպանությունները մասնակցում են AbzasMedia լրատվական պորտալի աշխատանքներին, որն անօրինական ֆինանսական գործարքներ է իրականացնում։
Ավելի վաղ Ադրբեջանի նախագահ Իլհամ Ալիևը ԱՄՆ Պետքարտուղարության ղեկավար Էնթոնի Բլինքենի հետ զրույցում հայտարարել էր, որ Բաքվի նկատմամբ Վաշինգտոնի արտահայտություններն ու գործողությունները լրջորեն վնասել են երկրների հարաբերություններին:
