ՏԵՍԱՆՅՈՒԹ․ Պակիստանի առևտրի կենտրոններից մեկում հրդեհ է բռնկվել․ կան զոհեր և վիրավորներ

Այսօր առավոտյան հրդեհ է բռնկվել Պակիստանի Կարաչի քաղաքի խոշոր առևտրի կենտրոնում՝ RJ Mall-ում։ Այս մասին հայտնում է Readovka թելեգրամյան ալիքը։

Հրդեհը պատել է շենքի երկրորդ հարկը, որից հետո տարածվել է չորրորդ, հինգերորդ և վեցերորդ մակարդակների վրա՝ գրեթե ամբողջությամբ կլանելով շենքը։ Հաղորդվում է, որ մոտ 50 մարդ հայտնվել է «թակարդում»։ Նրանցից 11-ը զոհվել են, ևս 22-ը վիրավորվել են, մնացածները տարհանվել են։

Փորձագետներն այժմ պարզում են խոշոր հրդեհի պատճառը։ Տեղի իշխանություններն արդեն արձագանքել են միջադեպին և հայտարարել, որ հրդեհը վերահսկվում է։