ՏԵՍԱՆՅՈՒԹ. Իսրայելական բանակը թռուցիկներ է նետել Գազայի վրա՝ մարդկանց հորդորելով չվերադառնալ անկլավի հյուսիս
Իսրայելցի զինվորականները զգուշացրել են Գազայի հատվածի բնակիչներին, որ դեռ հնարավոր չէ վերադառնալ անկլավի հյուսիսային հատված։ Այս մասին նոյեմբերի 24-ին հայտնել է Times of Israel թերթը։
Իսրայելի պաշտպանության բանակը (IDF) թռուցիկներ է նետել Գազայի վրա՝ կոչ անելով մարդկանց չվերադառնալ հյուսիսային գոտի, քանի որ այն շարունակում է պատերազմական գոտի մնալ նույնիսկ քառօրյա զինադադարի պայմաններում, ասվում է զեկույցում։
Միաժամանակ, պաղեստինցի պաշտոնյաները, ընդհակառակը, կոչ են անում Գազայի բնակիչներին, ովքեր լքել են իրենց տները, վերադառնալ այնտեղ։
Իսրայելի բանակի փոխգնդապետ Ավիչայ Ադրեյը, ով ղեկավարում է բանակի մամուլի գրասենյակի արաբական լրատվամիջոցների բաժինը, նույնպես դիմել է Գազայի բնակիչներին՝ հաղորդագրությունով, որ մարտերը դեռ չեն ավարտվել:
