ԵՊՀ–ի հրդեհի հետևանքով տուժածներից մեկը քիմիական այրվածքներ ունի. մանրամասներ ԲԿ-ից
ԵՊՀ–ում տեղի ունեցած պայթյունի հետևանքով «Արմենիա» բժշկական կենտրոն տեղափոխված տուժածներից մեկն ունի քիմիական այրվածներ։ Տեղեկությունը լրատվամիջոցներին հայտնել է ԲԿ–ի վիրաբուժական գծով տնօրենի տեղակալ Աշոտ Կուրղինյանը։
«Մեկի վիճակը ծայրահեղ ծանր է, նա ունի քիմիական այրվածքներ։ Նա ունի վերին վերջույթների, դեմքի, գլխի վնասվածքներ։ Այրվել է մարմնի 60 տոկոսը»,– մանրամասնել է Կուրղինյանը։
Բժիշկը նշեց՝ նրա կյանքին այս պահին վտանգ է սպառնում, գտնվում է վերակենդանացման բաժանմունքում։
Մյուս տուժածի վիճակը միջին ծանրության է։ Բուժկենտրոնում նա համապատասխան հետազոտություն է անցել և ուղարկվել Այրվածքաբանության ազգային կենտրոն։
