![Մանրամասներ՝ ԵՊՀ-ում տեղի ունեցած պայթյունից](https://auroranews.am/storage/img/base_image/2023-11-17/655709c1286df.webp)
Մանրամասներ՝ ԵՊՀ-ում տեղի ունեցած պայթյունից
![Մանրամասներ՝ ԵՊՀ-ում տեղի ունեցած պայթյունից](https://auroranews.am/storage/img/base_image/2023-11-17/655709c1286df.webp)
Պայթյուն է տեղի ունեցել ԵՊՀ-ում։ Ժամը 9:40-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Երևանի պետական համալսարանի մասնաշենքերից մեկում հրդեհ է բռնկվել:
Զոհերի ու վիրավորների մասին տեղեկություններ ՆԳՆ–ում դեռ չունեն։
ԶԼՄ–ները գրում են, որ պայթյունը տեղի է ունեցել քիմիայի ֆակուլտետում: Կա զոհ և տուժածներ։
Ֆոտոլրագրող Գագիկ Շամշյանը հայտնում է՝ ժամանել են հրշեջ-փրկարարական ջոկատների 6 մարտական հաշվարկ, ժամանել են նաև ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի պարեկները, ովքեր սահմանազատել են տարածքը, որպեսզի քաղաքացիները չխանգարեն հրշեջների և օպերատիվորեն ժամանած շտապօգնության բժիշկների աշխատանքը:
Դեպքի վայրից 3 հոգի այրվածքներով շտապօգնության բժիշկների կողմից տեղափոխվել են հիվանդանոց, ներսում հրշեջները հետախուզական աշխատանքներ են կատարել, հայտնաբերել են 1 դի, պարեկային ծառայության 1 աշխատակից էլ տարհանման աշխատանքներ կատարելիս թունավորվել է ծխից:
Auroranews-ի հետ զրույցում ԵՊՀ լրատվության բաժնից տեղեկացրեցին, որ տուժածների մասին տվյալներ չեն կարող հայտնել։