ԵՊՀ-ի հրդեհից տուժածները վարչական աշխատակիցներ են․ մանրամասներ
Երևանի պետական համալսարանում տեղի ունեցած հրդեհի հետևանքով տուժածները վարչական աշխատակիցներ են: Այս մասին Auroranews-ին հայտնեց ԵՊՀ-ի մամուլի խոսնակ Քնար Միսակյանը:
Տուժած անձանցից մեկը ոստիկան է։ Տեղեկությունը հայտնում է ԵՊԲՀ–ի աշխատակազմի ղեկավար Շուշան Դանիելյանը։Տուժածը տեղափոխվել է «Հերացի» համալսարանական հիվանդանոց։ Վիճակը մասնագետները գնահատում են բավարար:
Հիշեցնենք՝ ԵՊՀ 1-ին մասնաշենքի նկուղային հարկի սենյակներից մեկում հրդեհ է բռնկվել, որից հետո պայթյուն եղել։ Ըստ նախնական վարկածի՝ հրդեհը բռնկվել է հոսանքի տատանումների պատճառով։ Առողջապահության նախարարությունից հայտնել են, որ պայթյունի հետևանքով կա զոհ և տուժածներ։
