Հայտնի է՝ ինչ վիճակում են ԵՊՀ-ի հրդեհի հետևանքով տուժածները

Այսօր առավոտյան ԵՊՀ-ում քիմիական ֆակուլտետի նկուղում տեղի ունեցած պայթյունի հետեւանքով այրվածաքաբանական կենտրոն է տեղափոխվել 2 քաղաքացի: Այրվածքաբանական կոնտրոնից Auroranews-ին ասացին, որ տուժածները 70-ամյա եւ 66-ամյա քաղաքացիներ են:

«Նրանց վիրակապել ենք եւ ուղարկել «Արմենիա» բժշկական կենտրոն, քանի որ ունեին պոլիտրավմա, բազմաբեկորային վնասվածք և քիմիական այրվածքներ 3-րդ աստիճանի»,-հայտնեցին կենտրոնից:

Առողջապահության նախարարությունից էլ հայտնում են, որ 3 տուժածներից մեկի առողջական վիճակը գնահատվում է ծայրահեղ ծանր, գտնվում է վերակենդանացման բաժանմունքում: Մյուս տուժածի առողջական վիճակը միջին ծանրության է, երրորդինը` բավարար: