Իսրայելի կառավարությունը այսօր նոր հայտարարություն է արել
Իսրայելական բանակի մարտերը կտեղափոխվեն Գազայի հատվածի հարավ՝ անկլավի հյուսիսային հատվածում պաղեստինյան ՀԱՄԱՍ շարժման զինյալների ոչնչացումից հետո։ Այսպիսի հայտարարություն է արել Իսրայելի կառավարությունը այսօր՝ նոյեմբերի 15-ին։
Իսրայելի կաբինետի խոսնակը մանրամասներ չի հայտնել։
Ավելի վաղ Al Jazeera հեռուստաալիքը հայտնել էր, որ Իսրայելի պաշտպանության բանակը հարձակվել է Գազայի հատվածի հյուսիսում գտնվող Շեյխ Ռադվան թաղամասի վրա։ Հրթիռակոծության հետևանքով զոհվել է առնվազն 25 մարդ, զոհերի մեծ մասը կանայք և երեխաներ են:
Իրազեկ աղբյուրների համաձայն՝ ԱՄՆ-ն դժգոհ է Գազայի հատվածում իսրայելական բանակի գործողություններից, քանի որ այնտեղ աճում է խաղաղ բնակչության շրջանում զոհերի թիվը։ Նախագահ Ջո Բայդենի վարչակազմը ծանր զրույցներ է ունենում Իսրայելի պաշտոնյաների հետ, սակայն Թել Ավիվը չի արձագանքում Սպիտակ տան խնդրանքներին։
