ՀԱՄԱՍ–ը պատրաստ է ազատ արձակել 100 պատանդի. հայտնի է պայմանը
Իսրայելը և ՀԱՄԱՍ–ը մոտ են տասնյակ պատանդների ազատ արձակմանը: Այս մասին հայտնել է The Washington Post թերթի հոդվածագիր Դեյվիդ Իգնեյթսը։
Նշվում է, որ «ըստ իսրայելական կառավարական աղբյուրների՝ համաձայնության մասին կարող է հայտարարվել հաշված օրերի ընթացքում»: Նախնական պայմանավորվածությունների համաձայն՝ իսրայելցի կանայք և երեխաները խմբերով ազատ կարձակվեն իսրայելական բանտերում պահվող պաղեստինցի կանանց և երիտասարդների հետ միաժամանակ։
Ավելի վաղ ՀԱՄԱՍ-ի քաղբյուրոյի անդամ Խալիլ ալ Հային հայտարարել էր, որ խմբավորումը պատրաստ է ազատ արձակել 100 պատանդի Գազայում հրադադարի հաստատման պայմանով:
