Հակամարտության շրջադարձային պահը մոտենում է․ Զելենսկու գրասենյակի ղեկավար

Հաջորդ տարին վճռորոշ կլինի Ռուսաստանի և Ուկրաինայի հակամարտությունում: Այս մասին հայտարարել է Ուկրաինայի նախագահի գրասենյակի ղեկավար Անդրեյ Երմակը Վաշինգտոնում տեղի ունեցած միջոցառումների ժամանակ, փոխանցում է Bloomberg-ը: Տեղեկությունը փոխանցում է rbc.ru-ն։

«Հակամարտության շրջադարձային պահը մոտենում է։ Հաջորդ տարին որոշիչ է լինելու», - ասել է նա։

Նրա խոսքով՝ Ուկրաինայի զինված ուժերը շարունակում են հակահարձակումը, նախագահ Վլադիմիր Զելենսկին գիտի, թե ինչպես հասնել հաղթանակի։ Արևմուտքից պահանջվում է ավելի շատ պատժամիջոցներ կիրառել, ինչպես նաև օգնել Ուկրաինային ամրապնդել ՀՕՊ համակարգը՝ առաջիկա ձմռանը էներգետիկ ենթակառուցվածքների վրա հնարավոր հարձակումների պատճառով: