«Տպավորություն կա, որ մենք զիջում ենք դիրքերը, բայց դա այդպես չէ․ Չավի
«Բարսելոնայի» գլխավոր մարզիչ Չավին համաձայն չէ այն մտքի հետ, որ թիմն այս մրցաշրջանում անկում է ապրում։
13 տուրից հետո «Բարսելոնան» զբաղեցնում է Լա լիգայի մրցաշարային աղյուսակի 3-րդ հորիզոնականը՝ առաջատար «Ժիրոնային» զիջելով 4 միավորով:
«Ես երբեք իրավիճակը բացասական չեմ տեսնում։ Չգիտեմ՝ սա լա՞վ է, թե՞ վատ: Չեմ սիրում տեսնել, որ իմ խաղացողները չեն զվարճանում խաղադաշտում։ Անցած մրցաշրջանում մենք շատ ավելի վատ խաղացինք, քան հիմա։
Գուցե տպավորություն կա, որ մենք զիջում ենք դիրքերը, բայց դա այդպես չէ: Փորձում եմ հանգստություն ու խաղաղություն պահպանել»,- Չավիի խոսքն է մեջբերել Marca-ն։
