«Իսրայելը Գազան գրավելու պլաններ չունի». Բլինքեն

Իսրայելի իշխանությունները Գազայի հատվածը գրավելու պլաններ չունեն: Այս մասին Տոկիոյում կայացած մամուլի ասուլիսում հայտարարել է ԱՄՆ պետքարտուղար Անտոնի Բլինքենը։

«Այն, ինչ ես լսել եմ Իսրայելի ղեկավարությունից, այն է, որ նրանք մտադիր չեն վերագրավել Գազայի հատվածը, նորից իրենց վերահսկողությունն հաստատել այնտեղ», - մեջբերում է ՌԻԱ Նովոստին Պետդեպարտամենտի ներկայացուցչի խոսքերը:

Մինչ այս Իսրայելի կառավարության ղեկավարի ավագ խորհրդական Մարկ Ռեգևը հայտարարել էր, որ պաղեստինյան ՀԱՄԱՍ արմատական ​​խմբավորման նկատմամբ հաղթանակից հետո հրեական պետության անվտանգության ուժերը որոշ ժամանակ ներկա կլինեն Գազայի հատվածում։ Միաժամանակ պաշտոնյան ընդգծել է, որ դա չի նշանակում Գազայի օկուպացիա և ուղղակի վերահսկողություն։

Գազայի հատվածը 1967-2005 թվականներին գտնվել է Իսրայելի վերահսկողության տակ՝ վեցօրյա պատերազմի արդյունքում հայտնվելով դրա տակ։ 2005 թվականին Իսրայելի ղեկավարությունը զորքերը դուրս բերեց Գազայից միակողմանի անջատման ծրագրի շրջանակներում: Երկու տարի անց այդ հատվածում իշխանությունն անցավ ՀԱՄԱՍ-ի ձեռքը։