Միջուկային հարվածը տարբերակներից մեկն է. իսրայելցի նախարարի հայտարարությունը և Նեթանյահուի արձագանքը

Իսրայելի վարչապետ Բենիամին Նեթանյահուն մերժել է Գազայի հատվածի վրա միջուկային ռումբ նետելու հնարավորության մասին Երուսաղեմի եւ հրեական պետության ժառանգության հարցերով նախարար Ամիհայ Էլիյահուի հայտարարությունները: Այս մասին հայտնում է ռադիո Kan-ը: Տեղեկատվությունը փոխանցում է ՏԱՍՍ-ը:

«Ամիհայ Էլիյահուի խոսքերը չեն համապատասխանում իրականությանը և կտրված են իրականությունից։ Իսրայելը և ՑԱԽԱԼ - ը գործում են միջազգային իրավունքի բարձրագույն չափանիշներին համապատասխան, և մենք կշարունակենք դա անել մինչև հաղթանակ», - ասել է Նեթանյահուն:

Նշենք՝ Kol Berama ռադիոկայանի եթերում, պատասխանելով հաղորդավարի այն հարցին, թե պետք է արդյոք միջուկային ռումբ նետել պաղեստինյան անկլավի վրա, Էլիյահուն նշել է, որ «դա հնարավոր տարբերակներից մեկն է»: Ավելի ուշ նախարարը նշել է, որ «ցանկացած ողջամիտ մարդու համար պարզ է, որ ատոմային ռումբի մասին պնդումը փոխաբերական է»:

«Բայց մեզ (Իսրայելին) միանշանակ անհրաժեշտ է հզոր եւ անհամաչափ պատասխան ահաբեկչությանը», - պարզաբանել է Էլիյահուն: