Պաղեստինյան ՀԱՄԱՍ արմատական շարժման հարձակման հետևանքով զոհված իսրայելցիների ավելի քան 80 տոկոսը խաղաղ քաղաքացիներ են եղել: Այս մասին հայտնել է Kan պետական հեռուստառադիոընկերությունը։ Տեղեկությունը փոխանցում է ՏԱՍՍ-ը։

Հեռուստաընկերության տվյալներով՝ ներկա պահին հաջողվել է ճանաչել առնվազն 808 զոհվածների մարմինները, որոնցից 701-ը նախապատրաստում են թաղման։ 

«ՀԱՄԱՍ-ի հարձակման զոհերի առնվազն 84 տոկոսը Իսրայելի պաշտպանության բանակի զինծառայողներ չեն եղել»,- ընդգծում է Kan-ը:

Այս պահի դրությամբ իսրայելական կողմը հայտնել է 1,5 հազար զոհվածների մասին, ավելի քան 4,5 հազար մարդ վիրավորվել է: