«Ստացված մարդասիրական օգնությունը կաթիլ է ծովում». Գազայի առողջապահական համակարգը փլուզվել է
Գազայի հատվածի առողջապահական համակարգն ամբողջությամբ փլուզվել է, սպառվել են քաղցկեղի և շաքարախտի դեմ դեղերը, ՌԻԱ Նովոստիին հայտնել է Պաղեստինի առողջապահության նախարար Մայ Ալ-Քեյլանին:
«Առողջապահական համակարգն ամբողջությամբ փլուզվել է, Գազայի հատվածում սպառվել են քաղցկեղի, շաքարախտի եւ երիկամների անբավարարության բուժման համար նախատեսված դեղերը, բժշկական պարագաների սուր պակաս է զգացվում», - ասել է Ալ-Քեյլան:
Նա ընդգծել է Գազայի հիմնական բուժհաստատությունների աշխատանքը վերականգնելու համար վառելիքի մատակարարման հրատապ անհրաժեշտությունը։
«Ստացված մարդասիրական օգնությունը կաթիլ է ծովում, անհրաժեշտ է ապահովել անվտանգ միջանցքներ այն հասցնելու համար», - հավելել Է նախարարը:
