ԱՄՆ-ում կհատեն Թրամփի պատկերով դոլարային մետաղադրամ

ԱՄՆ-ում կսկսվի Դոնալդ Թրամփի պատկերով դոլարային մետաղադրամի հատումը, ինչի մասին տեղեկացրել է երկրի ֆինանսների նախարար Սքոթ Բեսենթը։

Գերատեսչության ղեկավարի փոխանցմամբ՝ նոր մետաղադրամի թողարկումը նվիրված է «ամերիկյան արժեքների ուժին և պետության այն իդեալին, որը ձգտում է պահպանել ազատությունը բոլորի համար»։

Իր X սոցիալական ցանցի էջում Սքոթ Բեսենթը մասնավորապես գրել է. «ԱՄՆ անկախության 250-ամյակի տոնակատարության շրջանակներում Դրամահատարանը կսկսի 1 դոլար անվանական արժեքով նոր ոսկե մետաղադրամի հատումը, որը նվիրված է ազատության անանց ժառանգությանը և հայրենասիրության անփոփոխ խորհրդանիշին։ Մետաղադրամի վրա պատկերված կլինի նախագահ Դոնալդ Թրամփը։ Այն նվիրված է ամերիկյան արժեքների ուժին և պետության այն իդեալին, որը ձգտում է պահպանել ազատությունը բոլորի համար»։