Իսրայելի պաշտպանության բանակը նշել է Գազայի հատվածում ցամաքային գործողությունը չեղարկելու պայմանը

Գազայի հատվածում ցամաքային գործողությունը կչեղարկվի, եթե ՀԱՄԱՍ-ը ազատի բոլոր գերիներին և անվերապահ հանձնվի, ասել է Իսրայելի պաշտպանության բանակի խոսնակ Ջոնաթան Կոնրիկուսը Ավստրալիայի ABC ռադիոկայանին տված հարցազրույցում։

«Եթե ՀԱՄԱՍ-ը դուրս գա իր թաքստոցներից՝ թաքնվելով իսրայելցի խաղաղ բնակիչների թիկունքում, ինչպես դա անում է հիմա, վերադարձնի մեր պատանդներին՝ բոլոր 212-ին, և անվերապահորեն հանձնվի, ապա պատերազմը կավարտվի... Եթե չանեն, մենք հավանաբար կանենք դա»»,- ասել է Կոնրիկուսը։

Միևնույն ժամանակ, մամուլի քարտուղարը չի կարողացել հստակ պատասխանել հաղորդավարի այն հարցին, թե որն է Իսրայելի պաշտպանության բանակի առաջնահերթությունը՝ ՀԱՄԱՍ-ի լիակատար ոչնչացումը, թե՞ բոլոր գերիների ազատ արձակումը: 

Նա նաև մեկնաբանել է պաղեստինամետ բողոքի ցույցերը, որոնք տեղի են ունեցել աշխարհի շատ երկրներում և առաջարկել է, որ մարդիկ պետք է կողմնորոշվեն և ընտրեն, թե ում աջակցել միայն իրենց բարոյականության համաձայն:

«Եթե ուզում եք լինել ահաբեկիչների կողքին և աջակցել նրանց, դա ձեր ընտրությունն է... Եթե կարողանաք բռնել (ՀԱՄԱՍ-ի կողմը ), կարծում եմ, որ ձեր բարոյականության մեջ ինչ-որ բան այն չէ», - ասել է Կոնրիկուսը: