ՏԵՍԱՆՅՈՒԹ. Մարդիկ չեն կարողանում գազի կաթսա միացնել. Դավթաշենի թաղամասերից մեկում բնակիչները զրկված են ջրից
Auroranews-ը ահազանգ է ստացել, որ Դավթաշեն վարչական շրջանի 3-րդ թաղամասի 7/24 հասցեում երկար ժամանակ է ջրի հետ կապված խնդիրներ կան: Վեոլիա ջուրը տարածքում պլանային կամ վթարային ջրանջատում չունի, սակայն ծորակից մի «մազաչափ» ջուր է գալիս։
Մեզ են դիմել շենքի 5-րդ հարկի բնակիչները և ուղարկել տեսանյութեր:
«Արդեն մոտ 10 ամիս է մենք ջուր չունենք: Մարդիկ չեն կարողանում գազի կաթսա կամ լվացի մեքենա միացնել: Ջրի նապոռը (ճնշումը) չի բավարարում»,- մեզ հետ զրույցում ասաց բնակիչը:
Նրա խոսքով, գնացել են Դավթաշեն վարչական շրջանի Վեոլիա ջրի իրենց մասնաճյուղ: Մասնագետներ են եկել, ինչ որ բան արել, որից հետո մի քանի օր ջուրը եղել է նորմալ, հետո էլի նույն պատմությունն է: Վեոլիա ջուրը բնակիչներին ոչ մի հստակ բան չի ասում, իսկ թեժ գծին ահազանգերը մնում են անպատասխան:
Հավելենք, որ քանի որ այսօր կիրակի է, ոչ աշխատանքային օր, վաղն Auroranews-ը գրավոր կդիմի Վեոլիա ջրին, հասկանալու համար, թե ինչու մարդիկ ջուր չունեն, այն դեպքում երբ վճարում են:
