Բրիտանիայում ներկայացրել են, թե ինչ վտանգ է սպառնում Ուկրաինային
Կրիտիկական ենթակառուցվածքների վրա ռուսական հարձակումները մեծ վտանգ են ներկայացնում Ուկրաինայի համար։ Այս մասին ասել է Միացյալ Թագավորական պաշտպանական հետազոտությունների բրիտանական թագավորական ինստիտուտի (RUSI) հետազոտող Ջեք Ուոթլինգը, փոխանցում է NEWS.ru-ն։
Նա կարծում է, որ Ուկրաինային դժվար ձմեռ է սպասվում․ «Ուկրաինան պետք է պատրաստվի ծանր ձմռանը»,-ասել է փորձագետը։
Ուոթլինգի խոսքով՝ ռազմական արդյունաբերությունը ռուսական բանակին ավելի ու ավելի շատ հարվածային զենք է մատակարարում։ Փորձագետը մատնանշել է միայն անցած տարվա ընթացքում հեռահար հրթիռների արտադրության ավելի քան երկու անգամ ավելացումը:
«Ռուսաստանի Դաշնության նման նյութական գերազանցությունը նոր խնդիրներ է սպառնում Ուկրաինայի զինված ուժերի համար»,- նշել է մասնագետը։
