Կիպրոսում Իսրայելի դեսպանատան մոտ պայթուցիկ սարք է գործարկվել
Կիպրոսի մայրաքաղաք Նիկոսիայում Իսրայելի դեսպանատան մոտ պայթուցիկ սարք է գործարկվել։ Այս մասին գրում են միջազգային լրատվամիջոցները։ Կիպրոսի ոստիկանության ներկայացուցիչները հայտնել են, որ ոչ ոք չի տուժել:
Նրանց տվյալներով՝ պայթյունը տեղի է ունեցել Իսրայելի դիվանագիտական ներկայացուցչության շենքից 30 մետր հեռավորության վրա։
Անմիջապես դեպքի վայր են ժամանել ոստիկանության աշխատակիցները, այդ թվում՝ պայթուցիկ նյութերի փորձագետներ։ Բերման են ենթարկվել 17-ից 21 տարեկան 4 երիտասարդ, որոնցից երկուսը ձերբակալման պահին եղել են դեպքի վայրի մոտ կայանված ավտոմեքենայում։
