Էրդողանն ու Զելենսկին հեռախոսազրույց են ունեցել. ինչ են քննարկել
Շաբաթ օրը Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Վլադիմիր Զելենսկու հետ:
Ինչպես նշված է Թուրքիայի նախագահի վարչակազմի տարածած հաղորդագրության մեջ, հեռախոսազրույցի ընթացքում քննարկվել է Ուկրաինայի հակամարտությունը, «ինչպես նաև պաղեստինա-իսրայելական հակամարտությունը և տարածաշրջանում հումանիտար ճգնաժամը»:
«Թուրքիայի նախագահն ընդգծել է, որ տարածաշրջանում հակամարտությունները, առաջին հերթին պաղեստինա-իսրայելական, կարելի է լուծել խաղաղ ճանապարհով, Անկարան կշարունակի ջանքեր գործադրել այդ ուղղությամբ»,- ասված է հայտարարության մեջ:
