Իսրայելը ավիահարված է հասցրել Լիբանանում իրանցի գեներալ Սոլեյմանիի հուշարձանին
Իսրայելի պաշտպանության բանակը ավիահարված է հասցրել Լիբանանում իրանցի գեներալ Ղասեմ Սոլեյմանիի հուշարձանին, հայտնում է Jerusalem Post-ը։
«Չորեքշաբթի երեկոյան ավիահարված է հասցվել Իսլամական հեղափոխության պահապանների կորպուսի (ԻՀՊԿ) «Ալ-Քուդս» ուժերի նախկին հրամանատար Ղասեմ Սոլեյմանիի հուշարձանին, որը գտնվում է Լիբանանի հարավում»,- գրում է հրատարակությունը՝ վկայակոչելով լիբանանյան Al-Mayadeen հեռուստաալիքը։ .
Իր հերթին, Իսրայելի պաշտպանության բանակը հինգշաբթի երեկոյան իր թելեգրամյան ալիքում հայտնել է, որ ՑԱԽԱԼ–ը «հարվածներ է հասցրել Լիբանանում «Հեզբոլլահի» ահաբեկչական օբյեկտներին:
Jerusalem Post-ի փոխանցմամբ՝ լիբանանյան լրատվամիջոցները հաղորդում են նաեւ Ռոշ Հանիկրայից հյուսիս՝ Նաքուրայի մերձակայքում Իսրայելի ավիահարվածի մասին։
Իսրայելի պաշտպանության բանակն ավելի ուշ հայտնել է, որ «վերջին մի քանի ժամվա ընթացքում Իսրայելի պաշտպանության բանակը հարվածներ է հասցրել Հեզբոլլահին պատկանող թիրախներին Լիբանանի հետ սահմանի երկայնքով»:
Նշվում է, որ սա պատասխան էր չորեքշաբթի տեղի ունեցած հարձակումներին։
«Խոցված թիրախները ներառում էին դիտակետ, որտեղից հակատանկային հրթիռներ են արձակվել Ռոշ Հանիկրայի ուղղությամբ», - ասել են իսրայելցի զինվորականները:
