Քանի մարդ է մահացել Գազայի հիվանդանոցին հասցված հարվածներից․ պաշտոնական

Գազայի հատվածում հոկտեմբերի 17-ին Ալ-Ահլի հիվանդանոցի հրթիռակոծության հետևանքով զոհերի թիվը կազմել է 471 մարդ, ավելի քան 340-ը վիրավորվել են։ Այս մասին հայտնել է Գազայի առողջապահության նախարարությունը։

«Ալ-Ահլի բապտիստական ​​հիվանդանոցի վրա իսրայելական հանցավոր օկուպացիոն ռեժիմի կողմից իրականացված ամենախոշոր և դաժան հարձակման հետևանքով զոհվել է 471 մարդ, 28-ը շարունակում է մնալ ծանր վիճակում, ևս 314-ը ստացել են տարբեր աստիճանի վնասվածքներ»,- ասվում է գերատեսչության հայտարարության մեջ։

Հիշեցնենք, որ Գազայի բապտիստական ​​հիվանդանոցին հարվածներ են հասցվել հոկտեմբերի 17-ի երեկոյան։ Հրապարակվել են նաև Գազայի հատվածում հիվանդանոցի վրա ավիահարվածի հետևանքները ներկայացնող կադրեր: 

Հավելենք, որ Իսրայելի հարձակումների հետևանքով պաղեստինցիների զոհերի թիվը անցել է 3,4 հազարից, ավելի քան 12 հազար մարդ վիրավորվել է։ Այս տվյալները ներկայացնում է Պաղեստինի առողջապահության նախարարությունն իր Telegram ալիքում։