«Ցնցման ևս մեկ ալիք է սպասվում, եթե Իսրայելը չդադարեցնի վայրագությունները Գազայում»․ իրանցի պաշտոնյա

Իսրայելը դիմադրության ճակատի կողմից կբախվի ցնցման ևս մի ալիքի, եթե չդադարեցնի վայրագությունները Գազայի հատվածում: Այս մասին, Reuters-ի փոխանցմամբ, երեքշաբթի ասել է Իրանի իսլամական հեղափոխության պահապանների էլիտար կորպուսի փոխհրամանատար:

«Դիմադրության ճակատի ցնցումները սիոնիստական ռեժիմի (Իսրայելի) դեմ կշարունակվեն այնքան ժամանակ, քանի դեռ այս քաղցկեղային ուռուցքն արմատախիլ չի արվել աշխարհի քարտեզից»,- ասել է Ալի Ֆադավին։

«Ցնցման ևս մեկ ալիք է սպասվում, եթե Իսրայելը չդադարեցնի վայրագությունները Գազայում», - ասել է նա։