Իսրայելը հայտարարել է, որ Գազայի հատվածում հրադադարի ռեժիմ չկա
Գազայի հատվածում այժմ հրադադարի ռեժիմ չկա, բոլոր մարտական գործողությունները շարունակվում են: Այս մասին հայտնել է Իսրայելի պաշտպանության բանակի մամուլի քարտուղար Դանիել Հագարին:
«Մենք առաջ ենք շարժվում իրավիճակի գնահատականներում և պատրաստվում ենք շարունակել մարտական գործողությունները», - հայտարարել է նա:
Հագարին հավելել է, որ գիշերվա ընթացքում ոչ մի արտառոց բան տեղի չի ունեցել՝ նշելով, որ իսրայելական ուժերի շրջանում կորուստներ չեն գրանցվել:
Հիշեցնենք՝ հոկտեմբերի 7-ի առավոտյան Իսրայելը ենթարկվել է աննախադեպ մասշտաբի հրթիռային հարձակման Գազայի հատվածից։
