Հրավառ նյութերի երկու խանութում պայթյունների հետևանքով կան զոհեր. Հնդկաստան

Հնդկաստանի Թամիլ Նադուի նահանգում հրավառ նյութերի 2 մանրածախ խանութներում պայթյուններ են տեղի ունեցել, որոնց հետևանքով առնվազն 11 մարդ է զոհվել, այդ թվում՝ 9 կին։ Եվս 2 մարդ վիրավորվել է։ Այս մասին հաղորդում է NDTV պարբերականի հրապարակումը։

Միջադեպը տեղի է ունեցել, երբ Սիվասակի քաղաքում ստուգվում էին նմուշները։ Քաղաքը հայտնի է հրավառ նյութերի և լուցկիների գործարաններով։

Ոստիկանության հաղորդմամբ՝ խանութներն ունեին համապատասխան լիցենզիա։ Կատարվում է հետաքննություն։

Թամիլ Նադուի նահանգում հրավառ նյութերի կետերից մեկում պայթյուն էր տեղի ունեցել նաև հոկտեմբերի 9-ին՝ 10 մարդու կյանք խլելով։