![«Զինվորականները ձախողել են իրենց պարտականությունները». Իսրայելի ԳՇ պետ](https://auroranews.am/storage/img/base_image/old/018df065e2cfc7f064b8a3c88575ef6d.webp)
«Զինվորականները ձախողել են իրենց պարտականությունները». Իսրայելի ԳՇ պետ
![«Զինվորականները ձախողել են իրենց պարտականությունները». Իսրայելի ԳՇ պետ](https://auroranews.am/storage/img/base_image/old/018df065e2cfc7f064b8a3c88575ef6d.webp)
Իսրայելի պաշտպանության բանակի գլխավոր շտաբի պետ Հերզի Հալևին ասել է, որ Գազայի հատվածին սահմանակից տարածքների վրա ՀԱՄԱՍ-ի հարձակման ժամանակ զինվորականները ձախողել են իրենց պարտականությունները։ Ինչպես նշել է Haaretz թերթը, սա Հալեւիի առաջին հայտարարությունն է պաղեստինա-իսրայելական նոր հակամարտության սկզբից ի վեր։
«Իսրայելի պաշտպանական ուժերը պատասխանատու են երկրի և նրա քաղաքացիների անվտանգության համար։ Իսկ շաբաթ օրը (հոկտեմբերի 7-ին) Գազայի հատվածին սահմանակից համայնքներում մենք չկարողացանք կատարել մեր պարտականությունները։ Մենք կպարզենք, թե ինչու դա տեղի ունեցավ, բայց հիմա պայքարելու ժամանակն է»,- ասել է Հալևին՝ ելույթ ունենալով Գազայի սահմանի մոտ գտնվող բազայում:
Իսրայելի բանակի շտաբի պետը հայտարարության մեջ ասել է, որ Գազայի առաջնորդները կբախվեն հետևանքների և «ոչնչացվեն»: Բացի այդ, ինչպես նշում է ՏԱՍՍ-ը, Հերզի Հալևին իր հայտարարության մեջ Հեզբոլլահի կողմնակիցներին կոչ է արել չմիջամտել հակամարտությանը։
Հալևին իր ցավակցությունն է հայտնել զոհվածների ընտանիքներին և ասել. «Պատերազմի գինը բարձր է և ծանր: Ամեն ինչ անելու ենք բանտարկյալներին տուն բերելու համար»։