Կրկին 6.4 մագնիտուդով երկրաշարժ՝ Աֆղանստանում. այն գնահատվել է որպես «ավերիչ»

Աֆղանստանի հյուսիս-արևմուտքում 6,4 մագնիտուդ ուժգնությամբ երկրաշարժ է գրանցվել, հայտնում է Ռուսաստանի գիտությունների ակադեմիայի միասնական երկրաֆիզիկական ծառայության Ալթայ-Սայան մասնաճյուղը։ 

Մասնաճյուղի օպերատիվ մշակման տվյալների համաձայն՝ չորեքշաբթի Մոսկվայի ժամանակով ժամը 03:42-ին (Երևանի ժամանակով՝ 04:42-ին) գրանցված երկրաշարժի էպիկենտրոնը գտնվել է Հերաթ քաղաքից 37 կմ հյուսիս, որտեղ ավելի վաղ գրանցվել էին մի շարք հզոր երկրաշարժեր։ 

Ելնելով էպիկենտրոնում ցնցումների ուժգնությունից՝ երկրաշարժը գնահատվում է որպես «ավերիչ»։ 

ԱՄՆ Երկրաբանական ծառայությունը երկրաշարժի ուժգնությունը գնահատել է 6,3 մագնիտուդ։ Ծառայության տվյալներով՝ էպիկենտրոնը գտնվել է Հերաթ քաղաքից 28 կմ հյուսիս-արևմուտք։