ԱՄՆ Ներկայացուցիչների պալատի խոսնակի պաշտոնում առաջադրվել է Սթիվ Սքալիզի թեկնածությունը
Հանրապետականները ԱՄՆ Կոնգրեսի Ներկայացուցիչների պալատի նախագահի պաշտոնում առաջադրել են Սթիվ Սքալիզի թեկնածությունը։
Այս մասին գրում է The Hill-ը:
58-ամյա քաղաքական գործիչը Ներկայացուցիչների պալատի հանրապետական մեծամասնության առաջնորդն է։
Ներկայացուցիչների պալատի խոսնակի աթոռը թափուր է մնացել այն բանից հետո, երբ Քևին Մաքքարթին հեռացվեց պաշտոնից։
Հիշեցնենք, որ 2017 թվականի հունիսի 14-ին Սքալիզը վիրավորում էր ստացել Դոնալդ Թրամփի դեմ հանդես եկող ահաբեկչի կողմից և բուժում էր ստանում գրեթե մինչև սեպտեմբերի վերջ։
