Իսրայելը հաստատել է ՀԱՄԱՍ-ի բարձրաստիճան անդամի սպանությունը
Իսրայելի պաշտպանության բանակը հաստատել է ՀԱՄԱՍ-ի բարձրաստիճան անդամի սպանությունը, փոխանցում է ՏԱՍՍ-ը։
«Այս գիշեր Իսրայելի ավիացիան ոչնչացրել է ՀԱՄԱՍ ահաբեկչական կազմակերպության էկոնոմիկայի նախարար Ջավադ Աբու Շամալիին։ Նա ղեկավարում էր կազմակերպության ծախսերը և միջոցներ հատկացնում ահաբեկչությանը Գազայի հատվածում և դրա սահմաններից դուրս: Նախկինում նա աշխատել է ահաբեկչական կազմակերպության անվտանգության ոլորտում», - ասվում է հայտարարության մեջ։
Մամուլի ծառայությունը նաև նշել է, որ Աբու Շամալան ղեկավարել է մի շարք գործողություններ՝ ուղղված Իսրայելի խաղաղ բնակչության դեմ։
