Իսրայելի տարածքում ՀԱՄԱՍ-ի 1,500 զինյալի դի է հայտնաբերվել
Իսրայելի տարածքում հայտնաբերվել է պաղեստինյան ՀԱՄԱՍ խմբավորման 1,500 զինյալի դի: Այս մասին հայտարարել է Իսրայելի պաշտպանության բանակի խոսնակ Ռիչարդ Հեխտը, փոխանցում է The times of Israel-ը:
Նա նաև հավելել է, որ ՀԱՄԱՍ-ի ոչ մի զինյալ երկուշաբթի գիշերվանից չի հատել Իսրայելի սահմանը, թեև ներթափանցում դեռևս հնարավոր է:
Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։
