ՏԵՍԱՆՅՈՒԹ. Դանակով հարձակվել են ակտիվիստ Արթուր Չախոյանի վրա. ոստիկանները գտել են հարձակվողներից մեկին
Դանակով հարձակվել են ակտիվիստ Արթուր Չախոյանի վրա։ Հարձակվողները 3-ն են եղել։ Չախոյանին հաջողվել է նրանցից մեկին բռնել, մյուս 2-ը փախել են։ Այս մասին գրում է Oragir.news–ը, որը հրապարակել է նաև տեսանյութ:
Քիչ առաջ ֆեյսբուքյան օգտատեր Էդուարդ Հայրումյանը գրել է, որ Արթուր Չախոյանի վրա դանակով հարձակված 3 հոգուց մեկին ոստիկանները բռնել են։
«Արթուրին դանակով չեն կարողացել խփել, Արթուրի հետ ամեն ինչ լավա ու Արթուրի ուժն էլ թերագնահատել էին։
Մանրամասները հետո։
Հ.Գ. Տեսնելով, որ Արթուրի վրա չեն կարողանում կեղտ բռնել ու կալանավորել, որոշեցին ռսի շպիոնի շառ անել, տենալով, որ էդ էլ չի ստացվում որոշեցին ուղղակի սպանել։ Միանշանակ սա կոնկրետ մարդկանց պատվեր է և ՀՀ ոստիկանությունը պարտավոր է պարզել պատվիրատուին»,– գրել է նա։
Օգտատերը հրապարակել է նաև լուսանկարներ:
