«Պաղեստինյան դիմադրության հեղինակությունը հպարտության աղբյուր է իսլամական ազգի համար»․ Ռայիսի
Իրանի նախագահ Էբրահիմ Ռայիսին կիրակի օրը կայացած հեռախոսազրույցում ՀԱՄԱՍ-ի քաղաքական բյուրոյի ղեկավար Իսմայիլ Հանիեի հետ բարձր է գնահատել պաղեստինցիների գործողությունները։ Այս մասին հայտնում է ԻՌՆԱ գործակալությունը։
«Պաղեստինյան դիմադրության հեղինակությունը հպարտության աղբյուր է իսլամական ազգի համար»,- ասել է Ռայիսին։
ՀԱՄԱՍ-ի քաղաքական բյուրոյի ղեկավարը պաղեստինյան ժողովրդի անունից բարձր է գնահատել Ռայիսիի իսլամական դիրքորոշումը և Իրանի ժողովրդի աջակցությունը պաղեստինյան դիմադրությանը։
