Լեհաստանը սկսել է տարհանել իր քաղաքացիներին Իսրայելից

Լեհաստանը սկսել է տարհանել իր քաղաքացիներին Իսրայելից։ Այսօր վաղ առավոտյան Վարշավայի օդանավակայանում վայրէջք է կատարել երկրի 120 քաղաքացի տեղափոխող առաջին ինքնաթիռը։ Այս մասին հայտնում է BBC-ի թղթակիցը:

Նախատեսվում է ևս երկու տարհանման չվերթ Իսրայելից Լեհաստան: 

«Իսրայելից առաջին տարհանվածներն արդեն ժամանել են Լեհաստան։ Ցանկանում եմ շնորհակալություն հայտնել մեր զինվորականներին հաջող գործողության համար»,- թվիթերում գրել է Լեհաստանի պաշտպանության նախարար Մարիուշ Բլաշչակը։

Պաշտպանության նախարարի խոսքով՝ կիրակի օրվա դրությամբ Իսրայելում տարհանման էին սպասում Լեհաստանից մոտ 200 զբոսաշրջիկներ, այդ թվում՝ մի խումբ դպրոցականներ։ Լեհաստանի քաղաքացիների տարհանման գործողությանը մասնակցում է մոտ 200 լեհ զինվոր։