Հայաստանում Կարմիր խաչի միջազգային կոմիտեն հայտարարություն է տարածել

Մեր թիմերը շարունակում են Լեռնային Ղարաբաղում մնացած մարդկանց որոնումները, այդ թվում՝ տարեցների, հիվանդների և հաշմանդամություն ունեցողների։ Այս մասին ասվում է Հայաստանում Կարմիր խաչի միջազգային կոմիտեի X-ի էջում։

«Անցած օրերին մեր այցելությունների ընթացքում բաժանեցինք սննդի և հիգիենայի փաթեթներ։ Մեզ հաջողվեց նաև վերականգնել երեք հոգու ընտանեկան կապերը Հայաստանում իրենց հարազատների հետ», - գրված է էջում։

Կոմիտեն նշում է, որ այցելություններին մասնակցում են նաև ԿԽՄԿ բժիշկները, կատարում անձանց առողջական վիճակի գնահատում, բարելավում նրանց բժշկական կարիքները։