Գալուզինը՝ Արցախում ռուս խաղաղապահների հետագա ճակատագրի մասին

Ղարաբաղում ռուսական խաղաղապահ կոնտինգենտի ներկայությունը պահանջված է, և դա անհրաժեշտ կլինի նաև ապագայում։ Այս մասին RBC-ին տված հարցազրույցում հայտարարել է Ռուսաստանի փոխարտգործնախարար Միխայիլ Գալուզինը, ով վերահսկում է ԱՊՀ երկրների հետ հարաբերությունները։

Նրա խոսքով ՝ Լեռնային Ղարաբաղում խաղաղապահների հետագա տեղակայման հարցը Մոսկվան և Բաքուն կորոշեն «սահմանված խողովակներով»:

«Մնում է այն հարցը, որ իրենց հանգիստ զգան Ղարաբաղի այն բնակիչները, որոնք այնտեղ են մնացել: Չի կարելի բացառել, որ այսօր Ղարաբաղից դուրս եկածներից որևէ մեկը ինչ-որ փուլում որոշում կայացնի վերադառնալ։ Եվ խաղաղապահների առկայությունն այդ մարդկանց համար կդառնա հանգստության լրացուցիչ գործոն», - ասել է Գալուզինը