![Եգիպտոսի հետախուզությունը Իսրայելին նախազգուշացրել է ՀԱՄԱՍ-ի գործողության վերաբերյալ](https://auroranews.am/storage/img/base_image/old/9e5fdea8d1505778d651e76b4895fa9f.webp)
Եգիպտոսի հետախուզությունը Իսրայելին նախազգուշացրել է ՀԱՄԱՍ-ի գործողության վերաբերյալ
![Եգիպտոսի հետախուզությունը Իսրայելին նախազգուշացրել է ՀԱՄԱՍ-ի գործողության վերաբերյալ](https://auroranews.am/storage/img/base_image/old/9e5fdea8d1505778d651e76b4895fa9f.webp)
Պաղեստինյան ՀԱՄԱՍ շարժման անսպասելի հարձակումը կանխատեսելու և դրան նախապատրաստվելու Իսրայելի հետախուզության ձախողման հետ կապված հարցերն էլ ավելի արդիական են դարձել այն բանից հետո, երբ Եգիպտոսի հետախուզության պաշտոնյան ասել է, որ Իսրայելն անտեսել է ՀԱՄԱՍ-ի կողմից «ինչ-որ մեծ բան նախապատրաստելու» վերաբերյալ բազմակի նախազգուշացումները: Այս մասին գրում է The times of Israel-ը։
Պաշտոնյան ասել է, որ Եգիպտոսը, որը հաճախ միջնորդ է ծառայում Իսրայելի և ՀԱՄԱՍ-ի միջև, բազմիցս խոսել է իսրայելցիների հետ «ինչ-որ մեծ բանի նախապատրաստման» մասին:
Եգիպտոսցու խոսքով՝ իսրայելցի պաշտոնյաները կենտրոնացած էին Հորդանան գետի Արևմտյան ափի ուղղությամբ և թերագնահատել են Գազայի հատվածից եկող սպառնալիքը:
«Մենք նրանց զգուշացրել ենք, որ իրավիճակի պայթյուն է սպասվում, և շատ շուտով մեծ պայթյուն կլինի։ Բայց նրանք թերագնահատեցին նման նախազգուշացումները», - Associated Press-ին ասել է պաշտոնյան, որը խոսել է անանունության պայմանով, քանի որ իրավասու չէր քննարկել լրատվամիջոցների հետ զգայուն հետախուզական քննարկումների բովանդակությունը: