![Իսրայելցիներին խորհուրդ է տրվում շտապ հեռանալ Եգիպտոսից](https://auroranews.am/storage/img/base_image/old/e1b18968d9b3fc154f37ef70d79f2b1f.webp)
Իսրայելցիներին խորհուրդ է տրվում շտապ հեռանալ Եգիպտոսից
![Իսրայելցիներին խորհուրդ է տրվում շտապ հեռանալ Եգիպտոսից](https://auroranews.am/storage/img/base_image/old/e1b18968d9b3fc154f37ef70d79f2b1f.webp)
Իսրայելի Ազգային անվտանգության խորհուրդը հրեական պետության քաղաքացիներին խորհուրդ է տալիս որքան հնարավոր է շուտ լքել Եգիպտոսը և հնարավորության դեպքում չլքել Իսրայելը։
«Ներկայիս ռազմական գործողությունների պատճառով մտավախություն ունենք, որ ամբողջ աշխարհում իսրայելցիների վրա հարձակումները կավելանան: Այս կապակցությամբ մենք կոչ ենք անում մեր երկրի քաղաքացիներին վերանայել ծրագրված արտասահմանյան ուղևորությունները և խուսափել կասկածներ հարուցող երկրներ այցելելուց, հատկապես Մերձավոր Արևելքում»,- ասվում է գերատեսչության հայտարարության մեջ, որը հաղորդում է Yedioth Ahronoth թերթը:
«Եգիպտոսում այսօրվա հարձակումից հետո մենք խստորեն խորհուրդ ենք տալիս մեր բոլոր քաղաքացիներին, ովքեր գտնվում են Սինայի թերակղզում, հնարավորինս շուտ հեռանալ Եգիպտոսից»:
Ավելի վաղ հաղորդվել էր, որ Միջերկրական ծովի ափին գտնվող Ալեքսանդրիա քաղաքում ոստիկանի հրաձգության հետևանքով մահացել են Իսրայելից երկու զբոսաշրջիկներ և մեկ եգիպտացի։ Հարձակվողն իր ծառայողական զենքից անկանոն կրակ է բացել Իսրայելից ժամանած զբոսաշրջիկների խմբի վրա։ Նա եղել է քաղաքի կենտրոնական մասում գտնվող Մանշեյա հրապարակի անվտանգությունն ապահովող ջոկատում։ Իսրայելցի զբոսաշրջիկների խումբը ժամանել է տարածք՝ այցելելու հնագույն սինագոգը։ Միջադեպի հետևանքով ևս մեկ եգիպտացի վիրավորվել է ու տեղափոխվել հիվանդանոց։