ՀՀ ԱԳՆ–ն ցավակցել է Աֆղանստանի ժողովրդին ավերիչ երկրաշարժի համար

ՀՀ արտաքին գործերի նախարարությունն իր խորին ցավակցությունն է հայտնել Աֆղանստանի ժողովրդին, որը տուժել է երկրի արևմտյան նահանգներում տեղի ունեցած ավերիչ երկրաշարժի հետևանքով: ՀՀ ԱԳՆ–ն այս հաղորդագրությունը հրապարակել է X–ի միկրոբլոգում։

«Մենք հույս ունենք, որ տուժածների ընտանիքներն ու հարազատները ուժ կունենան հաղթահարելու բնական աղետի պատճառած ողբերգությունը»,– նշված է հաղորդագրության մեջ:

 հոկտեմբերի 7-ին Աֆղանստանի արևմուտքում 6,4 մագնիտուդ ուժգնությամբ երկրաշարժ է տեղի ունեցել: Զոհերի թիվը գերազանցել է 2 հազարը, ավելի քան 9 հազարը վիրավորվել են։
 

Հիշեցնենք, որ երեկ 4,7-ից մինչև 6,3 մագնիտուդ ուժգնությամբ ցնցումներ են գրանցվել Աֆղանստանի Հերաթի տարածքի մերձակայքում, որտեղ ապրում է մոտ 272 հազար մարդ։ Զոհվել է 2400 մարդ: