ՀԱՄԱՍ-ը սկսել է չար պատերազմ. մենք վրեժխնդիր կլինենք այս սև օրվա համար. Նեթանյահու
Իսրայելի վարչապետ Բենիամին Նեթանյահուն լրատվամիջոցների առջեւ ելույթի ժամանակ խոստացել է, որ երկիրը վրեժխնդիր կլինի պաղեստինյան ՀԱՄԱՍ խմբավորումից «այս մութ օրվա համար», գրում է Haaretz-ը։
«ՀԱՄԱՍ-ը սկսել է դաժան ու չար պատերազմ։ Մենք հաղթելու ենք այս պատերազմում, բայց գինը մեծ է լինելու»,- ասել է նա։
Նեթանյահուի խոսքով՝ ինքը կհետեւի, որ այն, ինչ տեղի ունեցավ Իսրայելում, այլեւս չկրկնվի։
«Ողջ կառավարությունը սատարում է այս որոշմանը։ Իսրայելի պաշտպանության բանակն անմիջապես կօգտագործի իր ողջ ուժը ՀԱՄԱՍ-ի հնարավորությունները շարքից հանելու համար: Մենք նրանց մահացու հարված կհասցնենք, մենք վրեժխնդիր կլինենք նրանցից այն սև օրվա համար, որը նրանք բերեցին Իսրայել պետության և նրա քաղաքացիների վրա։ Այս պատերազմը ժամանակ կպահանջի, դժվար կլինի, մեզ դժվար օրեր են սպասվում»,- ասել է Իսրայելի վարչապետը։
