Վիտալի Բալասանյանը Հայաստանում է, գտնվում է բժիշկների վերահսկողության տակ

Արցախի Հանրապետության Անվտանգության խորհրդի նախկին քարտուղար Վիտալի Բալասանյանը Հայաստանում  է, ունի սրտի հետ կապված  լուրջ խնդիրներ և այս պահին գտնվում է բժիշկների վերահսկողության տակ։ Այլ մանրամասներ այս պահին հայտնի չեն: Այս մասին հայտնում է «Փաստինֆո»-ն հղում անելով իր աղբյուրին:

Հիշեցնենք, որ ադրբեջանական աղբյուրները հրապարակային տեղեկություն  էին տարածեցել ադրբեջանական իշխանության կողմից Հակարի կամրջի մոտից Վիտալի Բալասանյանի ձերբակալության մասին: