Նիկոլ Փաշինյանը պարզաբանել է, թե ինչու չի հրաժարական տալիս
«Եթե ես իմանամ, որ իմ հրաժարականով և, ընդհանրապես, հեռացումով բոլոր մարտահրավերները կհասցեագրվեն, ես դա կանեմ հաջորդ վայրկյանին». հայտարարել է վարչապետ Նիկոլ Փաշինյանը։
Սակայն, ըստ նրա, իր վերլուծությունները հակառակի մասին են վկայում. «Ի հեճուկս ձեզ, ես աթոռից կախված չեմ։ Բայց իմ բոլոր վերլուծությունները ցույց են տալիս, որ դա անելու դեպքում տեղի կունենա ուղիղ հակառակը»։
Ըստ նրա՝ նաև այդ պատճառով չի ինքը հրաժարական տալիս. «Դուք այդ սցենարն իրագործեցիք ԼՂ-ում։ Ի՞նչ եղավ, ավելի լավ եղա՞վ։ Իհարկե, Հայաստանում դա չեք կարող իրագործել, բայց ուզում եմ տեսական այս իրավիճակից հետևություներ անել»։
