Ֆրանսիան շատ զգոն է լինելու ցանկացած սպառնալիքի նկատմամբ. Կոլոննա

Բոլոր նրանց, ովքեր ասում են, թե Ֆրանսիան բավականաչափ ակտիվ չի եղել կամ շատ ուշ է արձագանքել, ուզում եմ ասել, որ դա այդպես չէ, կարծում եմ` շատ վաղուց Ֆրանսիան ակտիվ է և միշտ հայերի կողքին է եղել։ Այս մասին այսօր ասուլիսի ժամանակ հայտնեց Ֆրանսիայի ԱԳ նախարար Կատրին Կոլոննան։

 

Իր խոսքով՝ ՄԱԿ-ի ԱԽ-ի բոլոր ժողովները, որոնք հնարավորություն են տվել խոսել ԼՂ-ի մասին, ֆրանսիայի նախաձեռնությամբ են եղել:

 

«Մենք փորձում ենք ստեղծել պայմաններ, որոնք հնարավորություն կտան բանաձևի ծրագիր ունենալ, որը կխոսի հօգուտ ԼՂ հայերի և հնարավորություն կտա իրենց երկիր վերադառնալ ցանկացողներին վերադառնալ անվտանգ պայմաններում», - նշել է նա։

 

Կոլոնայի խոսքով՝ եղանակային պայմանների պատճառով չկարողացավ այցելել Գորիս, սակայն կցանկանար նաև Սյունիք գնալ, որն առաջինն է ընդունել ԼՂ-ից ՀՀ մուտք գործած անձանց։
 

«Այսօրվա իմ այցը հերթական ձևն է ցույց տալու, որ Ֆրանսիան շատ զգոն է լինելու ցանկացած սպառնալիքի նկատմամբ, որի նկրտումներն են ՀՀ-ի տարածքային ամբողջականությունը։ Ֆրանսիան շատ զգոն կլինի մեր բարեկամ երկրի՝ Հայաստանի տարածքային ամբողջականության նկատմամբ», - հավելեց նա։
 

Նա նաև հայտնեց, որ Ֆրանսիան իր համաձայնությունն է տվել Հայաստանի հետ ապագա պայմանագրի կնքման համար, որը հնարավորություն կտա ռազմատեխնիկա տրամադրել ՀՀ-ին՝ իր պաշտպանությունն ապահովելու համար:

Քաղաքականություն

Պատահարներ