ԱՄՆ Կոնգրեսի Ներկայացուցիչների պալատի խոսնակ Քևին Մաքքարթին հայտնել է, որ երեքշաբթի՝ հոկտեմբերի 3-ին, կհայտարարի քվեարկություն իրեն պաշտոնանկ անելու հանրապետականների առաջարկով, գրում է The New York Times-ը։ 

Մաքքարթին նշել է, որ «վստահ է» իր կարողության մեջ՝ խափանելու իրեն խորհրդարանի ստորին պալատի խոսնակի պաշտոնից հեռացնելու փորձը։ 

Ինչպես նա ասել է լրագրողներին, եթե իր հրաժարականին կողմ քվեարկեն Դեմոկրատական ​​կուսակցության անդամներն ու հանրապետականների հինգ անդամներ, նա կհեռացվի։ 
 

Հանրապետական ​​կոնգրեսական Մեթ Գետցը նախօրեին Մաքքարթիի հրաժարականի միջնորդություն էր ներկայացրել։ Պատճառը, ըստ Գետցի, Ներկայացուցիչների պալատի նախագահի համագործակցությունն էր դեմոկրատների հետ՝ խուսափելու կառավարության աշխատանքի դադարեցումից:

Հիշեցնենք, որ ԱՄՆ նախագահ Ջո Բայդենը ստորագրեց 45 օրվա բյուջեի նախագիծը, որը ներառում էր միայն կառավարության ֆինանսավորման գումարները, բայց ոչ Ուկրաինային օգնությունը։ Եթե ​​փաստաթուղթը չընդունվեր, դա կհանգեցներ ճգնաժամի, այն ժամանակ բացատրել էր պետության ղեկավարը։