Թբիլիսիում հայերն ի աջակցություն Արցախի երթ են կազմակերպել
Վրաստանի Թբիլիսի քաղաքում հայերն ի աջակցություն Արցախի երթ են կազմակերպել, եղել են Վրաստանում ԵՄ–ի և ՄԱԿ–ի գրասենյակների մոտ, պահանջել կառույցներից պատժամիջոցներ կիրառել Բաքվի դեմ։
Ավելի վաղ հայտնել էինք, որ Արցախից բռնի տեղահանված 100․490 անձ արդեն Հայաստանում է։ Հակարիի կամուրջը հատել է 21․103 տրանսպորտային միջոց։ Հաշվառում է անցել 84․956 անձ։
Հիշեցնենք` Ադրբեջանը սեպտեմբերի 19-ին նախաձեռնեց լայնածավալ ռազմական հարձակում, այն տեւեց մեկ օր, որից հետ խաղաղապահների միջնորդությամբ Արցախի քաղաքական ղեկավարությունը համաձայնեց Ադրբեջանի պահանջները իրականացնել:
