«Ֆրանսիացիներ, մոբիլիզացվե՛ք, Հայաստանին աջակցող տարբեր ցույցերի միջոցով». ֆրանսիացի պատգամավոր

Ֆրանսիայի Ազգային ժողովի պատգամավոր Վալերի Բուայեն դարձյալ հայերի դեմ ցեղասպան քաղաքականությունը կանխելու կոչով է հանդես եկել:

«Եկեք միավորենք մեր ձայները՝ դադարեցնելու ջարդերը Ադրբեջանում և Թուրքիայում. Ֆրանսիան այլևս չի կարող չեզոք մնալ այս էթնիկ, մշակութային և կրոնական զտումների առջև: Հանրապետության նախագահը պետք է գործի»,-գրել է նա X-ի իր միկրոբլոգում՝ կից հրապարակելով տեսանյութ:

Նա նաև ֆրանսիացիներին կոչ է արել մոբիլիզացվել և բողոքի ձայն բարձրացնել՝ ընդդեմ հայերի ցեղասպանության:

«Մենք չենք կարող մնալ հայերի կոտորածի լուռ հանդիսատես. ֆրանսիացիներ, մոբիլիզացվե՛ք, այսօր՝ ժամը 14-ին, Հայաստանին աջակցող տարբեր ցույցերի միջոցով։ Հայաստանը քույր է Ֆրանսիային, եկեք ցույց տանք, որ մենք չենք լքում նրան»,-մեկ այլ գրառմամբ կոչ է արել նա: