Ժամը 22:00-ի դրությամբ Արցախից բռնի տեղահանվել է 98․929 անձ
Ժամը 22:00-ի դրությամբ ԼՂ-ից բռնի տեղահանված 98․929 անձ է ժամանել Հայաստանի Հանրապետություն։ Այդ մասին հայտնում են ՀՀ կառավարությունից։
Ավելի վաղ հայտնել էինք, որ Գորիսում և Վայքում գործող կենտրոնակայաններում, ինչպես նաև Փարաքարի Միասնական սոցիալական ծառայության կայանում ընթացող աշխատանքներին միացել են նաև https://kamavor.mlsa.am/ հարթակում կամավորության հայտ լրացրած քաղաքացիները։
«Վերջիններս մասնակցում են Արցախից բռնի տեղահանված անձանց կարիքների գնահատման, տեղում սոցիալական ծառայությունների մատուցման գործընթացի կազմակերպման, խորհրատվության տրամադրման և այլ աշխատանքների»,- հայտնում են ՀՀ կառավարության մամուլի ծառայությունից։
Այս պահին հարթակում գրանցված է ավելի քան 1000 անձ։
