«Սա ռազմական դաշինք չէ». Պուտինը խոսել է BRICS-ի մասին
Ռուսաստանի նախագահ Վլադիմիր Պուտինը հայտարարել է, որ BRICS-ը ռազմական դաշինք չէ։ Այս մասին նա հայտարարել է «Ռուսաստան-Լատինական Ամերիկա» միջազգային խորհրդարանական կոնֆերանսի ժամանակ, հայտնում է «ՌԻԱ Նովոստի»-ն։
«BRICS-ը պարզապես հարթակ է դիրքորոշումները համակարգելու և փոխընդունելի լուծումներ մշակելու համար՝ հիմնված ինքնիշխանության, անկախության և միմյանց նկատմամբ հարգանքի վրա»,- ասել է Պուտինը։
Սեպտեմբերի 28-ին Արժույթի միջազգային հիմնադրամի (ԱՄՀ) հաղորդակցությունների գծով տնօրեն Ջուլի Կոզակը ասել է, որ ԱՄՀ-ն ողջունում է BRICS-ի ընդլայնումը և միջազգային համագործակցությունը, որն ուղղված է շուկայի մասնատման նվազեցմանը, առևտրի ավելացմանը, ներդրումների և առևտրի ծախսերը նվազեցնելուն:
